Eric Maxim Choupo-Moting vonast til þess að Robert Lewandowski, liðsfélagi hans hjá Bayern München, verði klár sem allra fyrst en hann er frá næstu vikurnar.
Lewandowski mun missa af 8-liða úrslitum Meistaradeildarinnar gegn Paris Saint-Germain og þá missir hann af mikilvægum leikjum í toppbaráttunni í þýsku deildinni.
Hann var valinn besti leikmaður heims af FIFA fyrir síðasta ár en Choupo-Moting vonast til þess að nái sér sem fyrst.
„Lewy er besti framherji heims í dag. Það er leiðinilegt fyrir félagið að hann sé meiddur. Við vonum að hann verði klár sem allra fyrst, því við þurfum á honum að halda," sagði Choupo-Moting.
„Við erum með marga kosti en ég mun gefa allt mitt á æfingasvæðinu og vonast til að fá kallið. Það skiptir ekki öllu hvort ég spili eða ekki. Aðalmálið er að við náum árangri sem lið," sagði hann í lokin.
Athugasemdir