Malen, Maguire, Rashford, Greenwood, Yoro, Eriksen og fleiri góðir í slúðri dagsins
   fim 04. mars 2021 08:20
Magnús Már Einarsson
Karólína skoraði með Bayern í Meistaradeildinni
Mynd: Fótbolti.net - Hafliði Breiðfjörð
Karólína Lea Vilhjálmsdóttir skoraði sitt fyrsta mark fyrir Bayern Munchen þegar liðið burstaði BIIK Kazygurt frá Kasakstan 6-1 í 32-liða úrslitum Meistaradeildarinnar í morgun.

Karólína kom inn á sem varamaður á 65. mínútu og þremur mínútum síðar var hún búin að skora.

Um var að ræða fimmta mark Bayern í leiknum en liðið er með frábæra stöðu fyrir síðari leikinn í næstu viku.

Karólína kom til Bayern frá Breiðabliki í vetur en þetta var fyrsta mark hennar fyrir þýska stórliðið.

Bayern er með ógnarsterkt lið en það hefur unnið alla fjórtán leiki sína í þýsku Bundesligunni í vetur.
Athugasemdir
banner
banner
banner
banner