Kieran Trippier, leikmaður Atletico Madrid, vill ganga í raðir Manchester United í sumarglugganum.
Það er Mirror sem greinir frá þessu en Trippier hefur verið orðaður við Man Utd síðustu daga.
Englendingurinn átti gott tímabil með Atletico þar sem liðið fagnaði deildarmeistaratitlinum á Spáni.
Trippier er fyrrum leikmaður Tottenham en hann lék 69 deildarleiki fyrir félagið frá 2015 til 2019.
Hægri bakvörðurinn á einnig að baki 27 landsleiki fyrir England og hefur staðið sig með prýði í spænsku deildinni.
Samkvæmt Mirror hefur Trippier sagt liðsfélögum sínum í enska landsliðinu að hann vilji komast aftur heim.
Athugasemdir