Alfreð Elías: Eins og sást kannski nokkuð vel
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
„Við vorum náttúrulega mjög slakir fyrsta hálftímann varnarlega. Þeir komust í færi trekk í trekk. Aron hélt okkur á floti í markinu," sagði Alfreð Elías, þjálfari Grindavíkur eftir dramatískt 2-1 tap á móti HK.
Grindavík lagði upp með að spila í gegnum pressuna sem HK setti á þá í dag.
„Að halda áfram að þora að halda boltanum, eins og sást kannski bara nokkuð vel. Gerðum ágætlega að leysa pressuna hjá þeim út frá okkar markspyrnum. Gerðum það trekk í trekk í fyrri hálfleik og sköpuðum usla."
Alfreð var á því að Bruno hefði átt að fá rautt þegar hann fékk dæmt á sig vítið.
„Ég er mjög óhress með að það hafi ekki verið rautt í vítinu. Mér fannst þetta ásetningur að gefa honum olnbogaskot og þessi maður skorar markið."
