Tryggvi Hrafn Haraldsson skoraði fyrra markið í 2-0 sigri ÍA gegn Fylki fyrr í dag.
Þetta var langþráður sigur Skagamanna sem eru í þriðja sæti Pepsi Max-deildarinnar þrátt fyrir að hafa tapað þremur og gert jafntefli í síðustu fjórum deildarleikjum.
„Ég gæti ekki verið sáttari. Mark, sigur, clean sheet, fullt af fólki, 29 gráður. Þetta er bara eins og það sem mig dreymdi í nótt," sagði Tryggvi Hrafn léttur að leikslokum.
Tryggvi gekk í raðir ÍA fyrir tímabilið eftir að hafa leikið fyrir Halmstad í eitt ár. Honum líður vel á Akranesi enda uppalinn þar.
„Það var alltaf markmiðið þegar ég kom heim að reyna að vera sem styst og komast aftur út því þar vill maður vera. En við sjáum hvað setur bara.
„Það voru nokkur lið á Íslandi sem höfðu samband en maður er náttúrulega gulur í gegn og var alltaf að fara aftur á Skagann."
Athugasemdir