Conte orðaður við Man Utd - Ensk stórlið vilja Kounde

Antonio Conte segir að í næsta starfi vilji hann vekja 'sofandi risa' og hefur það aukið á vangaveltur um að hann gæti tekið við Manchester United. Conte hefur verið án starfs síðan hann lét af störfum hjá Napoli. (Athletic)

Enzo Maresca, stjóri Manchester City, ætlar að ræða við leikmenn sína á morgun um stöðu mála eftir að félagið var dæmt sekt fyrir alvarleg fjárhagsbrot. (Mirror)

Atletico Madrid og Juventus eru með augastað á Noni Madueke (24), sóknarleikmanni Arsenal og Englands. (Telegraph)

Chelsea, Arsenal, Liverpool, Manchester United og Manchester City hafa öll áhuga á Jules Kounde (27), varnarmanni Barcelona og Frakklands. Börsungar eru tilbúnir að hlusta á tilboð í leikmanninn. (Sport)

Enski framherjinn Harry Kane (33) er á lokastigum þess að semja um nýjan þriggja ára samning við Bayern München. (Talksport)

AC Milan gæti gert aðra tilraun til að reyna við hollenska framherjann Joshua Zirkzee (25) hjá Manchester United í janúar, hugsanlega á láni með kauprétti. (Calciomercato)

Arsenal, Liverpool og Borussia Dortmund hafa áhuga á Josh King (19), framherja Fulham, sem er metinn á 51 milljón punda. (4-4-2.ch)

Real Madrid ætlar að standa fast á því að selja ekki brasilíska framherjann Endrick (20) þrátt fyrir áhuga frá Arsenal og Tottenham. (Teamtalk)

Ólíklegt er að áhugi Tottenham á framherjanum Julian Alvarez (26) hjá Atletico Madrid verði að einhverju þar sem Argentínumaðurinn stefnir enn á að fara til Barcelona. (Football Insider)

Fulltrúar frá félögum í ensku úrvalsdeildinni og bandarísku MLS-deildinni hafa verið að skoða kólumbíska U20 landsliðsmanninn Edmilson Herazo (18) hjá Barranquilla. (Pipe Sierra)

Liverpool og Manchester United hafa áhuga á spænska vinstri bakverðinum Alejandro Balde (22) hjá Barcelona. Juventus vill einnig fá hann. (Calciomercato)

Paris St-Germain hefur aftur áhuga á franska varnarmanninum Leny Yoro (20) hjá Manchester United og Frakklandi. (KickFootball)

Inter og Juventus eru bæði að skoða Giovanni Leoni (19), miðvörð Liverpool. (Tuttosport)