Jón Daði byrjaði gegn toppliðinu
Mynd: Getty Images
Mynd: Honved
Mynd: Getty Images
Jón Daði Böðvarsson var í byrjunarliði Bolton og spilaði fyrstu 80 mínúturnar í markalausu jafntefli gegn toppliði Plymouth í ensku C-deildinni í dag.
Heimamenn í Bolton voru sterkari aðilinn stærsta hluta leiksins en tókst þó ekki að skora gegn sterkum andstæðingum sínum.
Bolton er í umspilssæti sem stendur, með 41 stig eftir 25 umferðir. Plymouth vermir toppsætið með 57 stig.
Bolton 0 - 0 Plymouth
Viðar Ari Jónsson spilaði þá fyrri hálfleikinn í æfingaleik með ungverska félaginu Honved. Honved kíkti í heimsókn til Osijek í Króatíu og skóp flottan 1-2 sigur eftir að hafa leitt 0-1 í leikhlé.
Hinn 28 ára gamli Viðar Ari er að leika stórt hlutverk á sínu öðru ári í ungverska boltanum.
Lærisveinar Freys Alexanderssonar í Lyngby lögðu þá Hvidovre að velli í æfingaleik.
Osijek 1 - 2 Honved
Lyngby 3 - 2 Hvidovre
Leverkusen 2 - 1 Venezia
Mynd: Honved
