Heimaleikjum Fram og Víkings í Bestu víxlað

Heimaleikjum Fram og Víkings í Bestu deild karla hefur verið víxlað. Fram átti að eiga heimaleik gegn Víkingum þann 12. maí en nú er ljóst að þá verður spilað á heimavelli Víkinga.

Eins og við greindum frá á fimmtudag þá er óvíst hvenær nýr og stórglæsilegur heimavöllur Fram í Úlfarsárdal verður klár.

Planið var að spila fyrsta leik á nýjum heimavelli á móti Víkingi en nú er áætlunin að vígja völlinn í lok mánaðarins.