Brunaútsala hjá Man Utd - Greenwood ætlar að hafna Barcelona - Chelsea reyndi að fá Nunez fyrir tímabilið
   fim 07. desember 2023 11:53
Elvar Geir Magnússon
„Ofdekraðir“ stuðningsmenn Palace bauluðu á liðið
Roy Hodgson.
Roy Hodgson.
Mynd: EPA
Roy Hodgson, stjóri Crystal Palace, sagði að stuðningsmenn væru ofdekraðir eftir að baulað var á liðið þegar það gekk af velli í gær. Palace tapaði 0-2 fyrir Bournemouth.

Einhverjir köstuðu lauslegum hlutum í átt að Hodgson þegar hann gekk til búningsklefa.

„Stuðningsmennirnir hafa verið ofdekraðir hér undanfarin ár. Þeir eru vanir því að sjá okkur ganga vel á heimavelli og ná úrslitum. Á þessu ári höfum við ekki verið að ná því,“ segir Hodgson.

„Við lögðum mikla vinnu á okkur en sköpuðum ekki nægilega mörg færi. Stuðningsmenn eru ósáttir við því að við pökkuðum ekki Bournemouth saman. En þetta Bournemouth lið reyndist vera mjög gott. Stuðningsmenn mættu með þær væntingar að þetta yrði auðveldur heimasigur."

„Við getum ekki neytt stuðningsmenn til að standa með okkur á svona stundum. Það er þeirra val. Við höfum verið að ná betri árangri undanfarin ár en búist var við. En við erum samt í þeirri stöðu að hver einasti leikur er bardagi og við þurfum á stuðningi okkar fólks að halda."

Palace er í fjórtánda sæti, níu stigum fyrir ofan fallsvæðið.
Stöðutaflan England Premier league - karlar
  L U J T ms: mf: mun Stig
1 Liverpool 26 18 6 2 63 25 +38 60
2 Man City 25 17 5 3 58 26 +32 56
3 Arsenal 25 17 4 4 58 22 +36 55
4 Aston Villa 25 15 4 6 52 33 +19 49
5 Tottenham 25 14 5 6 52 38 +14 47
6 Man Utd 25 14 2 9 35 34 +1 44
7 Brighton 25 10 8 7 48 40 +8 38
8 Newcastle 25 11 4 10 53 41 +12 37
9 West Ham 25 10 6 9 36 44 -8 36
10 Chelsea 25 10 5 10 42 41 +1 35
11 Wolves 25 10 5 10 39 40 -1 35
12 Fulham 25 8 5 12 34 41 -7 29
13 Bournemouth 24 7 7 10 33 46 -13 28
14 Brentford 25 7 4 14 35 44 -9 25
15 Crystal Palace 25 6 7 12 28 44 -16 25
16 Nott. Forest 25 6 6 13 32 44 -12 24
17 Everton 25 8 6 11 27 33 -6 20
18 Luton 25 5 5 15 35 51 -16 20
19 Burnley 25 3 4 18 25 55 -30 13
20 Sheffield Utd 25 3 4 18 22 65 -43 13
Athugasemdir
banner
banner
banner
banner