Sævar Atli Magnússon (Leiknir) - Tvítugur fyrirliði og besti leikmaður Breiðhyltinga er algjör burðarstólpi í sóknarleik Breiðholtsliðsins.

Davíð Snær Jóhannsson (Keflavík) - Átján ára sóknarmiðjumaður sem var í liði ársins í Lengjudeildinni og gæti slegið í gegn í Pepsi Max í sumar.

Brynjar Snær Pálsson (ÍA) - Nítján ára leikmaður sem hefur verið mjög vaxandi og miklar væntingar eru til á Skaganum.

Birkir Valur Jónsson (HK) - Hægri bakvörðurinn er mættur aftur í Kórinn eftir ævintýri hjá Spartak Trnava í Slóvakíu.

Daníel Hafsteinsson (KA) - Það er mikil lyftistöng fyrir KA að endurheimta þennan hæfileikaríka miðjumann.

Helgi Guðjónsson (Víkingur) - Sóknarmaðurinn hefur verið mjög lofandi á undirbúningstímabilinu og gæti látið meira að sér kveða hjá Víkingum.

Unnar Steinn Ingvarsson (Fylkir) - Tvítugur varnartengiliður sem var frábær með Fram og er nú mættur í Árbæinn.

Einar Karl Ingvarsson (Stjarnan) - Mættur frá Íslandsmeisturunum og á að vera lykilkmaður á miðju Stjörnunnar.

Vuk Oskar Dimitrijevic (FH) - Tvítugur sóknarleikmaður sem var frábær með Leikni og er nú kominn í FH-liðið þar sem hann hefur sýnt flott tilþrif á undirbúningstímabilinu.

Stefán Árni Geirsson (KR) - Hélt Óskari Erni Haukssyni nokkrum sinnum á bekknum í fyrra og gæti tekið enn stærra hlutverk hjá KR í sumar.

Róbert Orri Þorkelsson (Breiðablik) - U21 landsliðsmaður sem er gríðarlegt efni. Erlend félög horfa löngunaraugum til varnarmannsins sem verður 19 ára í næsta mánuði. Verður hann farinn út fyrir mót?

Arnór Smárason (Valur) - Mættur til Íslandsmeistara Vals og að fara að spila í fyrsta sinn í efstu deild á Íslandi eftir farsælan atvinnumannaferil og 23 A-landsleiki.