Hólmar Örn í tveggja leikja bann - Þrír aðrir í bann

Fjórir í Bestu deildinni eru komnir í leikbann eftir að hafa fengið spjald í liðinni umferð. Þrjú rauð spjöld fóru á loft í liðinni umferð og þýðir það sjálfkrafa bann, alls staðar nema á HM.

Gabríel Hrannar Eyjólfsson fékk tvö gul spjöld og þar með rautt þegar KR mætti Þór á fimmtudag. Gabríel verður í banni þegar KR tekur á móti ÍBV á sunnudag.

Eiður Benedikt Eiríksson, aðstoðarþjálfari Þórs, fékk þá rauða spjaldið fyrir munnsöfnuð og verður ekki á bekknum gegn Fram á útivelli á sunnudag.

Hólmar Örn Eyjólfsson, fyrirliði Vals, fékk þá sitt annað rauða spjald í sumar og þarf því að taka út tveggja leikja bann. Hann verður í banni gegn FH á útivelli og Fram á heimavelli.