banner
   mið 09. október 2019 14:39
Magnús Már Einarsson
Napoli og Dortmund sýndu Arnóri áhuga í sumar
Arnór Sigurðsson.
Arnór Sigurðsson.
Mynd: Fótbolti.net - Hafliði Breiðfjörð
Stór félög í Evrópu sýndu áhuga á að fá íslenska landsliðsmanninn Arnór Sigurðsson í sínar raðir frá CSKA Moskvu í sumar. CSKA fékk fyrirspurnir um Arnór en engin formleg tilboð komu þó inn á borð til hans.

„Það var alls konar áhugi, fyrirspurnir og svoleiðis. Ég tók þá ákvörðun að ég þurfi að þroskast aðeins meira sem leikmaður áður en ég tek það stökk. Þess vegna fannst mér mikilvægt að vera áfram í Moskvu og spila 1-2 tímabil í viðbót," sagði Arnór við Fótbolta.net í dag.

Napoli á Ítalíu var á meðal þeirra félaga sem sýndu áhuga. „Þeir voru áhugasamir. Dortmund spurðist fyrir um mig og síðan var hellingur í Englandi. Það voru alls konar fyrirspurnir en það voru engin tilboð sem komu."

„Þegar eitthvað kemur upp eins og Napoli þá hugsar maður auðvitað hvað þetta kitlar mikið og hversu stórt þetta er. Maður þarf líka að vera skynsamur í þessu. Ég er í góðu liði og er að spila. Það er mikilvægt að flýta sér hægt."

Hinn tvítugi Arnór segir að draumurinn sé að spila í ensku úrvaldsdeildinni í framtíðinni.

„Premier league er alltaf draumadeild til að spila í. Þar eru sterkustu liðin. En síðan fer þetta auðvitað rosalega eftir því hvaða lið, hvernig fótbolta þau spila og hvað hentar mér."

Arnór verður gestur í hlaðvarpsþættinum Miðjunni á Fótbolta.net á morgun en þar verður ítarlegra viðtal við hann.
Athugasemdir
banner
banner
banner
banner