Lið vikunnar í enska - Þrír fulltrúar Man Utd
Leicester komst á topp ensku úrvalsdeildarinnar með sigri á Úlfunum, Harry Kane skoraði sigurmark Tottenham gegn West Brom, Aston Villa rúllaði 3-0 yfir Arsenal, Manchester United kom til baka gegn Everton og vann 3-1.
Crystal Palace rúllaði yfir Leeds 4-1 og Chelsea vann botnlið Sheffield United með sömu markatölu. West Ham vann nauman sigur á Fulham og markalaust var í botnbaráttuslag Brighton og Burnley.
Markvörður: Kasper Schmeichel (Leicester City) - Var á tánum þegar á þurfti að halda og hélt marki sínu hreinu.
Mynd: Getty Images
Vörn: Harry Maguire (Manchester United) - Eftir erfiða byrjun á timabilinu hefur Maguire náð vopnum sínum og var hrikalega traustur gegn Everton.
Mynd: Getty Images
Vörn: Thiago Silva (Chelsea) - Brasilíumaðurinn reynslumikli skoraði sitt fyrsta úrvalsdeildarmark.
Mynd: Getty Images
Vörn: Jonny Evans (Leicester City) - Hafði í nægu að snúast gegn Úlfunum en stóð vaktina með mikilli prýði.
Mynd: Getty Images
Miðja: Hakim Ziyech (Chelsea) - Sýndi gæði sín og sköpunarmátt trekk í trekk.
Mynd: Getty Images
Miðja: Fred (Manchester United) - Veitti Bruno Fernandes frábæran stuðning á miðsvæðinu.
Mynd: Getty Images
Miðja: Bruno Fernandes (Manchester United) - Skoraði tvívegis gegn Everton og er nú kominn með tíu mörk og fimm stoðsendingar í tíu fyrstu útileikjum sínum í ensku úrvalsdeildinni.
Mynd: Getty Images
Miðja: Ross Barkley (Aston Villa) - Nýtur sín í botn hjá Aston Villa og átti geggjaða stoðsendingu á Ollie Watkins.
Mynd: Getty Images
Sókn: Eberechi Eze (Crystal Palace) - Englendingurinn ungi sem keyptur var frá QPR opnaði markareikning sinn með framúrskarandi aukaspyrnumarki.
Mynd: Getty Images
Sókn: Harry Kane (Tottenham) - Hetjan gegn West Brom, skoraði sitt 150. úrvalsdeildarmark.
Mynd: Getty Images
Sókn: Ollie Watkins (Aston Villa) - Er að eignast marga nýja aðdáendur og skoraði tvö gegn Arsenal. Þvílík og önnur eins innkoma í ensku úrvalsdeildina.
Mynd: Getty Images
Mynd: BBC
