Reading tilkynnti rétt í þessu að félagið hefði kallað Jökul Andrésson úr láni frá Morecambe. Jökull var á láni hjá Morecambe fyrir áramót og spilaði alls sautján leiki. Hann datt úr liði Morecambe í byrjun desember og var á bekknum í síðustu sex leikjum í röð.
Morecambe fékk til sín markvörðinn Trevor Carson á láni frá Dundee fyrr í mánuðinum og varði hann mark Morecambe í enska bikarnum í gær.
Morecambe fékk til sín markvörðinn Trevor Carson á láni frá Dundee fyrr í mánuðinum og varði hann mark Morecambe í enska bikarnum í gær.
Jökull er þessa stundina með A-landsliðinu og er einn þriggja markvarða sem kemur til greina í leikina gegn Úganda og Suður-Kóreu.
Jökull er tvítugur og hefur verið á mála hjá Reading frá árinu 2017. Í frétt á heimasíðu Reading kemur fram að Jökull muni koma inn á aðalliðsæfingar hjá Reading eftir landsleikina.
Luke Southwood er aðalmarkvörður Reading en hann er 24 ára gamall. Varamarkvörðurinn, Rafael, er 31 árs og spilaði í bikarnum í 2-1 tapi gegn Kidderminster á laugardag. Reading er í 21. sæti Championship-deildarinnar, þremur stigum fyrir ofan fallsæti eftir 23 spilaða leiki.
Sjá einnig:
Hefði Jökull spilað gegn Tottenham? - Fengu upplýsingar fyrir tilviljun
Athugasemdir