Árni Vill í Stjörnuna (Staðfest)

Stjarnan hefur krækt í sóknarmanninn Árna Vilhjálmsson en félagið tilkynnti þetta á samfélagsmiðlum rétt í þessu.

Árni, sem er 32 ára, verður löglegur með Garðabæjarliðinu þegar glugginn opnar þann 16. júlí.

Hann spilaði síðast á Íslandi árið 2021, þá með uppeldisfélaginu Breiðabliki. Frá því hefur hann spilað með Rodez í Frakklandi, Zalgiris í Litháen, Novara á Ítalíu og með Al-Taraji og Al-Sahel í þriðju efstu deild í Sádi-Arabíu.

Fyrir er Stjarnan með þá Emil Atlason og Andra Rúnar Bjarnason sem kosti í fremstu stöðu vallarins.

Á ferlinum hefur Árni einnig spilað í Úkraínu, Póllandi, Noregi og Svíþjóð. Á Íslandi hefur hann eingöngu spilað með Breiðabliki og hálft tímabil (2012) á láni með Haukum.

Stjarnan er í sjöunda sæti Bestu deildarinnar.