Damak og Siggi í Hamrana (Staðfest)

Jordan Damachoua er 34 ára miðjumaður sem er genginn til liðs við Hamranna og hefur nú þegar spilað sinn fyrsta þar sem hann skoraði og var valinn maður leiksins í síðustu umferð.

Hamrarnir tilkynntu Damak á samfélgsmiðlum:

„Við erum gríðarlega ánægð að tilkynna komu Jordans Damachoua til Hamrana!

Jordan kemur til okkar frá Kormáki/Hvöt og býr yfir mikilli reynslu. Hann hefur meðal annars spilað með Þór í Lengjudeildinni, Kórdrengjum í 2. deild og lengst af með KF á Ólafsfirði í 2. og 3. deild.

Jordan er fjölhæfur leikmaður sem getur leyst nánast allar stöður á vellinum. Með komu hans bætist mikil reynsla, gæði og leiðtogahæfileikar inn í hópinn, sem mun nýtast bæði liðinu og ungu leikmönnum félagsins.

Jordan hefur þegar leikið sinn fyrsta leik fyrir Hamrana og var valinn maður leiksins – ekki amaleg byrjun!

Við bjóðum Jordan hjartanlega velkominn í Hamrana og hlökkum til að sjá hann í svörtu og gulu á komandi árum!"

Hamrarnir hafa einnig fengið til sín Sigurð Þórisson sem er 22 ára miðjumaður en hann kemur til Hamranna frá Magna Grenivík.

Sigurður var tilkynntur á samfélgsmiðlum í gærkvöldi og Hamrarnir höfðu þetta að segja:

„Sigurður Brynjar Þórisson í Hamrana!

Við í Hömrunum erum afar ánægð að tilkynna að miðjumaðurinn Sigurður Brynjar Þórisson er kominn til liðs við félagið á láni frá Magna Grenivík út tímabilið.

Sigurður er 22 ára miðjumaður sem hefur áður leikið með Hömrunum í 4. deild og á einnig að baki leik með KA í Bestu deildinni. Undanfarin tvö ár hefur hann gegnt stóru hlutverki hjá Magna í 2. og 3. deild.

Siggi er kominn með leikheimild og verður klár í toppslaginn á laugardaginn! 

Við bjóðum Sigga „Thunder“ hjartanlega velkominn aftur í Hamrana og hlökkum til að sjá hann aftur í svörtu og gulu á vellinum."

View this post on Instagram

A post shared by Hamrarnir Mfl.KK (@hamrarnir_fotbolti)

Hamrarnir sitja á toppi B-riðils í 5. deild og eiga stórleik gegn Stokkseyri næstkomandi laugardag.