Magnús og Jóhann Már.
Enska úrvalsdeildin, uppáhalds deild flestra Íslendinga, hefst á föstudaginn.
Við á Fótbolta.net höfum síðustu daga verið að hita upp fyrir deildina með sérstakri spá fréttafólks okkar.
Í þessari viku, áður en deildin byrjar að rúlla, þá munum við fá fulltrúa úr stuðningsmannahópum "stóru sex" félagana á Englandi í hlaðvarpsþætti, tvö og tvö félög saman. Í dag er annar þáttur af þremur.
Jóhann Már Helgason, stuðningsmaður Chelsea, og Magnús Ingvason, stuðningsmaður Manchester City, mættu á skrifstofu Fótbolta.net og spjölluðu um sín uppáhalds félög.
Meðal efnis: Spáin, Englandsmeistarar og Evrópumeistarar, tveir dýrustu leikmenn enska boltans, Harry Kane, úrslitaleikur Meistaradeildarinnar, Tuchel breytti gangi mála, breytt hlutverk Werner, Ake eins og Gullit, Messi til Parísar en ekki í enska boltann, mjög erfitt að setja saman sameiginlegt byrjunarlið og draumatímabil.
Hlustaðu í spilaranum hér að ofan eða í gegnum Podcast forrit.
