19.10.26 - 13:45
Sæbjörn Þór Þórbergsson Steinke
Patrick Pedersen hvílir út tímabilið
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Markahæsti leikmaður í sögu efstu deildar, Patrick Pedersen, hefur ekki spilað með Val í síðustu tveimur leikjum og mun ekki heldur spila þegar Valur heimsækir Stjörnuna í lokaumferðinni um næstu helgi.
Daninn fann fyrir eymslum í landsleikjahléinu, fór í myndatöku og þá komu í ljós skemmdir á sinum bæði í hægri og vinstri fæti og ákveðið að best væri fyrir hann að hvíla í lokaleikjunum til að ná sér góðum af meiðslunum.
Daninn fann fyrir eymslum í landsleikjahléinu, fór í myndatöku og þá komu í ljós skemmdir á sinum bæði í hægri og vinstri fæti og ákveðið að best væri fyrir hann að hvíla í lokaleikjunum til að ná sér góðum af meiðslunum.
Patrick sleit hásin í ágúst í fyrra og fór svo í aðra aðgerð síðasta vetur vegna annarra meiðsla. Hann sneri aftur á völlinn í júlí, kom við sögu í þrettán leikjum á tímabilinu, skoraði þrjú mörk og lagði upp þrjú.
Valur mun enda í 7. sæti Bestu deildarinnar sem eru vonbrigði á Hlíðarenda. Patrick verður 35 ára í næsta mánuði og er samningsbundinn Val út næsta tímabil.
Valur mun enda í 7. sæti Bestu deildarinnar sem eru vonbrigði á Hlíðarenda. Patrick verður 35 ára í næsta mánuði og er samningsbundinn Val út næsta tímabil.
