Fótbolti.net

Kennie: Líður eins og ég sé 25 ára

Ólafur Ingi: Þurfum að vinna í andlega þættinum

Rúnar Kristins: Búnir að vinna í þessu í tvö og hálft ár

Svekktur fyrirliði Vals: Vorum ekki nógu góðar til að verðskulda sigur

Lárus Orri: Þá ertu annaðhvort í fallbaráttu eða í baráttu um Evrópusæti

Jói Kalli: Auðvitað er þetta á minni ábyrgð

Böddi: Hjálpaði til að FH var í einhverjum nýjum lit af búning

Skoraði sigurmarkið og grínaðist með samherjann - „Rósey hendir einhverju góðu á hana“

Ray Anthony: Grenjum í kvöld

Maggi: Ákall á Mosfellinga

Brynjar Björn: Það er klárt brot á Óla

Heimir Guðjóns: Hann á skilið freyðivín frá mér

Badu: Ég held að ástæðan sé mun einfaldari en metnaðarleysi

„Þeir skapa nánast ekki færi í fyrri hálfleik, skora samt tvö mörk úr þessum hornum sínum"

Mattías Kjeld: Valur gat ekki lofað mér mínútum

Nenad: Búið að vera töfrasirkús

Jóhann Birnir: Eitthvað kæruleysi hjá öllum

„Þá er ég ekki það grænn og vitlaus að ég get alltaf hrósað okkur fyrir frábært spil og ægilega óheppnir"

Borja: Allt of dýrt að fá á sig mörk úr föstum leikatriðum

Gunnar Heiðar: Þetta er erfiðasta fæðing sem ég hef séð

mið 11. september 2019 21:39

Sæbjörn Þór Þórbergsson Steinke

Eiríkur Þór: Fjórða skiptið á fimm árum sem við dettum út

Mynd frá 2017 af Eiríki (til hægri).

Mynd: Fótbolti.net - Benóný Þórhallsson

„Tilfinningin er skelfileg, ég er búinn að vera í Hvíta í fimm ár og þetta hefur núna gerst fjórum sinnum að við dettum út á ógeðslegan hátt í úrslitakeppninni. Þetta er alltaf jafn sárt," sagði Eiríkur Þór Bjarkason, framherji Hvíta riddarans, eftir 4-1 tap síns liðs gegn Elliða í seinni undanúrslitaleik í úrslitakeppni 4. deildar karla. Hvíti tapaði einvíginu 5-3 samanlagt en leikið var um það hvort liðið léki í 3. deild karla á komandi leiktíð.

Lestu um leikinn: Elliði 4 - 1 Hvíti riddarinn.

Sjáðu viðtalið í heild sinni í spilaranum hér að ofan.
Undirritaður biðst afsökunar vegna hljóðgæða myndbandsins en þar var tæknin aðeins að stríða honum. Vindurinn var ekki jafn mikill í Árbæ eins og kann að hljóma í upptökunni.

Elliði leiddi í hálfleik 2-0 og Hvíti minnkaði muninn á 65. mínútu.

„Í stöðunni 2-1 vorum við alveg með þá. Síðan kemur bolti í gegn og hann klárar vel og þá er þetta eiginlega búið."

Í kjölfarið heyrist illa í viðtalinu um hvað var spurt en undirritaður ætlar að gera sitt besta til að segja frá því hér: Eiríkur var spurður út í leikinn sinn og að hann hafi fengið tvo góða sénsa í fyrri hálfleik.

„Ég fékk högg á ökklann eftir korter og ákvað að harka af mér þar sem þetta er síðasti leikurinn á tímabilinu. Það er svekkjandi að hafa ekki skorað úr færinu í fyrri hálfleik."

Framundan hjá Hvíta riddaranum er leikur um 3. sætið í 4. deild en liðið mætir þar Kormáki/Hvöt sem tapaði gegn Ægi í hinni undanúrslitaviðureigninni. Venjulega eiga liðin sem komast í úrslit að vera liðin sem fara upp en liðin urðu fleiri í fyrra vegna sameiningar liða í deildum fyrir ofan svo eitthvað gæti verið undir í leiknum um 3. sætið.

„Við ætlum bara í þann leik til að vinna. Við erum búnir að spila á móti þeim tvisvar og okkur mistókst að vinna í bæði skiptin og við ætlum bara að klára þá," sagði Eiríkur að lokum.