Alfreð Finnbogason á æfingu í Tyrklandi í dag.
Ísland mætir Tyrklandi í Istanbúl á fimmtudaginn og Moldóvu í Kisínev 17. nóvember. Ísland þarf að vinna báða leiki og treysta á að Tyrkir misstígi sig gegn Andorra í lokaumferðinni til að komast á EM í gegnum riðlakeppnina.
Sóknarmaðurinn Alfreð Finnbogason spjallaði við Fótbolta.net eftir æfingu Íslands í Antalya í dag. Þar fer stór hluti undirbúningsins fram áður en flogið verður til Istanbúl á miðvikudag.
Sóknarmaðurinn Alfreð Finnbogason spjallaði við Fótbolta.net eftir æfingu Íslands í Antalya í dag. Þar fer stór hluti undirbúningsins fram áður en flogið verður til Istanbúl á miðvikudag.
„Við eigum góðar minningar héðan, við erum á sama hóteli og á sama æfingasvæði. Vonandi skapar það sömu stemningu og síðast. Ég held að það sé einn besti útileikur í undankeppni í sögu Íslands," segir Alfreð sem vitnar þar í 3-0 útisigurinn í Eskisehir fyrir tveimur árum.
Íslandi hefur gengið vel gegn Tyrklandi undanfarin ár og ljóst að íslenska liðið er ekki óskamótherji Tyrkja.
„Maður heyrir það líka frá leikmönnum í hópnum sem eiga liðsfélaga frá Tyrklandi að þeim finnst ekki gaman að mæta okkur. Við þurfum að spila eins og við erum þekktir fyrir, gera þetta leiðinlegt fyrir þá og skemmtilegt fyrir okkur," segir Alfreð.
Í viðtalinu talar Alfreð líka um gengi sitt í Þýskalandi og markið sem hann skoraði fyrir Augsburg gegn Bayern München.
