Daníel Geir Moritz, formaður meistaraflokksráðs ÍBV, var á línunni í útvarpsþættinum Fótbolti.net um síðustu helgi.
Daníel er stuðnginsmaður Arsenal og var beðinn um að velja fimm uppáhalds leikmenn sína í sögu Arsenal.
Heiðursverðlaun (tveir sem fengu að fylgja með í kjölfarið) fengu þeir Theo Walcott og Emmanuel Eboue.
Daníel er stuðnginsmaður Arsenal og var beðinn um að velja fimm uppáhalds leikmenn sína í sögu Arsenal.
Heiðursverðlaun (tveir sem fengu að fylgja með í kjölfarið) fengu þeir Theo Walcott og Emmanuel Eboue.
Listann má sjá hér að neðan og hægt er að hlusta á umræðu um Arsenal í spilaranum hér að neðan.
5. sæti: Ian Wright. ,,Var um tíma markahæstur í sögu félagsins. Ég held að margir sem hugsa til hans sjái fyrir sér stórt og mikið bros. Fljótur og markheppinn leikmaður. Hann var ein af ástæðunum fyrir því að ég byrjaði að halda með Arsenal."
4. sæti: Tony Adams. ,,Mr. Arsenal, einhver harðasti gæi sem hefur spilað í þessari deild. Frábær varnarmaður. Tvö atvik sem rifjast upp, einhverntímann ætlaði leikmaður að taka hjólhestaspyrnu en Adams náði að nikka í boltann og fær þrumusparkið í andlitið. Hann flaug niður og tók utan um kjálkann eins og hann væri að rétta hann af. Svo var það markið sem hann skoraði með vinstri eftir stungusendingu frá Steve Bould þegar Arsenal tryggði sér titilinn '98. Það er ástæða af hverju hann er kallaður Mr. Arsenal."
3. sæti: Patrick Vieira. ,,Efstu þrír eru held ég í efstu þremur hjá öllum. Vieira leiddi þennan Arsenal kúltúr sem Wenger var að búa til. Hann færði Arsenal fram fyrst og síðast með sínu fordæmi og geggjaðri spilamennsku, fram og til baka. Það eru margir til þess með hryllingi þegar hann var að skrefa Highbury, var mjög fljótur enda á milli. Geggjaður leikmaður sem er sá leikmaður á þessum lista sem myndi nýtast best í nútímafótbolta. Kannski myndi VAR-ið skemma aðeins fyrir honum."
2. sæti: Dennis Bergkamp. ,,Það sem hann gat gert við boltann... hann er örugglega bestur í fótbolta af þeim sem hefur spilað fyrir Arsenal. Tæknin og útsjónarsemin, þetta er eitthvað yfirnáttúrulegt. Þó að hann virkaði hæglætur og kurteis maður, þá gat hann verið algjör fáviti inn á velli. Þó að hann hafi spilað í þessari 'tíu' þá var hann enginn lúxusleikmaður."
1. sæti: Thierry Henry. ,,Þetta er besti leikmaður sem hefur spilað í úrvalsdeildinni. Hann átti stórkostlegan feril, hvort sem það var með Frakklandi, Arsenal eða Barcelona. Í kringum 2003-2006 þá var ótrúlegt að fylgjast með Thierry Henry. Bjó yfir gífurlegum gæðum og hraða. Því hefur verið lýst af mörgum sem hafa spilað í deildinni að Henry hafi verið hættulegur. Hann var ekki bara tilbúinn að skora framhjá þér eða gegn þínu liði, hann var tilbúinn til að láta þig líta alveg rosalega illa út í því sem þú ætlaðir að gera til að reyna verjast."
Athugasemdir