Samskiptin í stærstu VAR ákvörðun sögunnar opinberuð

Chris Kavanagh dómari leiksins dæmdi fyrst mark Callum Wilson gilt en eftir langa VAR skoðun var dæmd aukaspyrna á Pablo, leikmann West Ham, fyrir brot á David Raya markverði Arsenal.

Webb segir að aukaspyrnudómurinn hafi verið hárréttur og að kynnt hafi verið fyrir leikmönnum fyrir tímabil að refsa ætti fyrir viðlíka brot.

„Þegar besta sjónarhornið sést á myndbandi er ljóst að þetta eru augljós mistök eru að ræða. Þetta er ekki augljóst fyrir dómarann á vellinum því það er mikill fjöldi leikmanna í teignum og erfitt að sjá. Þegar VAR tekur eftir þessu verður að bregðast við," segir Webb.

„Þetta tekur sinn tíma því þeir bera virðingu fyrir leiknum mikilvægi þess að komast að réttri niðurstöðu. Þeir gera sér grein fyrir mikilvæginu. Réttilega beindi VAR dómaranum í skjáinn og það var ekki bara þetta atvik sem var skoðað heldur annað sem átti sér stað í teignum."

Arsenal leiðir baráttu við Manchester City um enska meistaratitilinn en West Ham berst við falldrauginn.