Jorginho og Federico Bernardeschi skoruðu mörk Ítalíu en liðið hefur unnið alla sjö leiki sína í undankeppninni.

Liðið tryggði farseðilinn á EM í kvöld og er níu stigum á undan Finnlandi sem er í öðru sæti og er með ellefu stiga forystu á Armeníu þegar þrír leikir eru eftir. Tvö efstu sætin gefa þátttökurétt á EM.

„Strákarnir gerðu vel. Ég vil samt byrja á því að þakka stuðningsmönnunum á leikvanginum fyrir að koma á leikinn og styðja okkur."

„Við vildum tileinka sigurinn til barnanna á barnaspítalanum," sagði Mancini en landsliðið heimsótti spítalann á dögunum og færði börnunum gjafir og spiluðu leiki með þeim.