Leik Vals og ÍBV flýtt og 2. umferðin hefst á Hlíðarenda

Leiktímanum hefur verið breytt á leik Vals og ÍBV í 2. umferð Bestu deildar karla sem leikinn verður á föstudaginn.

Vegna samgöngumála til og frá Vestmannaeyjum hefur leikurinn verið færður fram um 90 mínútur og hefst 16:30.

Valur - ÍBV verður því fyrsti leikur umferðarinnar en öll umferðin verður spiluð á föstudag og má búast við miklu fjöri. Valsmenn töpuðu fyrir nýliðum Þórs í fyrstu umferð en ÍBV gerði jafntefli við FH.