fös 17. mars 2023 11:00
Elvar Geir Magnússon
Potter: Ætlum að vinna 'fokking' Meistaradeildina
Mynd: EPA
Graham Potter stjóri Chelsea steig á svið á samkomu hjá félaginu í gær og var spurður að því hvort hann væri með skilaboð til stuðningsmanna.

„Fyrst vil ég þakka þeim fyrir því þeir hafa verið mjög sanngjarnir í okkar garð. Þeir hafa staðið með liðinu og stuðningurinn verið ótrúlegur. Við þurfum á þeim að halda á laugardaginn, við ætlum að vinna Everton. Svo sjáum við dráttinn, við ætlum að reyna að vinna fokking Meistaradeildina!"

Það hefur verið vel tekið í þessi beinskeyttu ummæli Potter meðal stuðningsmanna Chelsea. Liðið hefur verið að ná betri úrslitum að undanförnu, eftir erfiða mánuði undir stjórn Potter.

Chelsea er í pottinum þegar dregið verður í 8-liða úrslit Meistaradeildarinnar, eftir nokkrar mínútur þegar þetta er skrifað.


Athugasemdir
banner
banner
banner