Óskar Hrafn Þorvaldsson, þjálfari KR var sáttur með 5-2 sigur sinna manna gegn Þór í dag. KR-ingar léku á als oddi og spiluðu stórkostlegan fótbolta á löngum köflum í leiknum og uppskáru verðskuldaðan sigur.
Lestu um leikinn: KR 5 - 2 Þór
„Mjög ánægður með sóknarleikinn, ég sagði það fyrir leikinn að okkar helsta verkefni í dag væri að taka þessa hlekki sem voru á okkur í Keflavíkurleiknum og brjóta þá af okkur.''
„Síðasta tímabil sýndi okkur að við vorum búnir að labba berfættir á sjóðandi heitum kolum og það var búið að berja okkur með svipu.''
Óskar spurður út í gagnrýni á Halldór Snæ markmann:
„Hann svaraði því sjálfur, við höfðum engar áhyggjur. Við ákváðum það strax að Dóri er okkar maður, það að fara að sækja sér markmann er ozempic leiðin, að stytta sér leið og við ætlum bara að borða hollt, fara í ræktina og ganga, ekki fara stuttu leiðina.''
Nánar er rætt við Óskar í spilaranum í áhugaverðu og skemmtilegu viðtali.
