Haukur Brink í Aftureldingu (Staðfest)

Haukur er 21 árs gamall og uppalinn Stjörnumaður. Hann hefur leikið 36 leiki í Bestu deildinni með Stjörnunni undanfarin þrjú ár og skorað sex mörk.

Á þessari leiktíð hefur hann komið við sögu í fimmtán leikjum og skorað eitt mark.

Haukur er nú kominn til Aftureldingar á láni og mun freista þess að hjálpa liðinu að komast aftur upp í Bestu deildina.

Hann verður gjaldgengur þegar Afturelding mætir Gróttu 25. júlí. Afturelding er á toppi Lengjudeildarinnar með 31 stig, einu stigi á undan Fylki sem er í öðru sæti.