20.01.23 - 13:34
Elvar Geir Magnússon
Ingó Sig verður ekki með Víði í sumar
Ingólfur Sigurðsson var hjá KV.
Mynd: Fótbolti.net - Hafliði Breiðfjörð
Ingólfur Sigurðsson var hjá KV.
Mynd: Fótbolti.net - Hafliði Breiðfjörð
Í byrjun árs var tilkynnt að Ingólfur Sigurðsson væri genginn í raðir Víðis í Garði sem leikur í 3. deild karla. Vegna breyttra aðstæðna hjá Ingólfi er þó ljóst að hann getur ekki leikið með liðinu.
„Ingólfur Sigurðsson mun ekki leika með Víði Garði í sumar vegna breyttra fjölskylduaðstæðna. Ingólfur getur því ekki skuldbundið sig í verkefnið af fullum krafti.
Málið var unnið í miklu bróðerni á milli félagsins og leikmanns.
Við óskum Ingólfi góðs gengis í komandi verkefnum," segir í tilkynningu Víðis.
Ingólfur hefur leikið 233 leiki í meistaraflokki og skorað 54 mörk. Síðustu þrjú ár hefur hann spilað með KV. Hann hefur á ferlinum leikið með liðum á borð við KR og Val í efstu deild en hann æfir þessa dagana með Valsmönnum.
Málið var unnið í miklu bróðerni á milli félagsins og leikmanns.
Við óskum Ingólfi góðs gengis í komandi verkefnum," segir í tilkynningu Víðis.
Ingólfur hefur leikið 233 leiki í meistaraflokki og skorað 54 mörk. Síðustu þrjú ár hefur hann spilað með KV. Hann hefur á ferlinum leikið með liðum á borð við KR og Val í efstu deild en hann æfir þessa dagana með Valsmönnum.
