Kaplakrikavöllur ekki tilbúinn - FH og Valur víxla heimaleikjum

Vegna slæmra vallaraðstæðna á Kaplakrikavelli hefur leikjum FH og Vals verið víxlað.

Leikurinn, sem átti upphaflega að fara fram miðvikudaginn 22. apríl, verður þess í stað leikinn fimmtudaginn 23. apríl klukkan 19.15 á N1-vellinum á Hlíðarenda.

FH byrjar því á þremur útileikjum en Valur byrjar Bestu deildina á þremur heimaleikjum. Valur er með þrjú stig en FH eitt stig.

Síðari viðureign liðanna fer fram sunnudaginn 12. júlí og verður þá leikið á Kaplakrikavelli í stað Hlíðarenda.