McClean var sérfræðingur á sjónvarpsstöðinni RTE í gær þar sem var meðal annars rætt um enska landsliðið. Rice er þar lykilmaður.

„Mér finnst Declan Rice ofmetinn," sagði McClean. „Mér finnst hann góður leikmaður en enskir fjölmiðlar hrósa honum alltof mikið."

„Að mínu mati er hann ekki í heimsklassa. Til að vera það, þá þarftu að komast í öll lið í heiminum. Hann gerir það ekki. Hann kemst ekki í lið Man City fram yfir Rodri."

Spurning er hvort McClean sé einfaldlega bitur en Rice spilaði með írska landsliðinu í upphafi ferilsins áður en hann valdi að spila með ennska landsliðinu frekar.