Breki Baldurs á leið til Noregs
Mynd: Fótbolti.net - Hafliði Breiðfjörð
Mynd: Fótbolti.net - Hafliði Breiðfjörð
Breki Baldursson, leikmaður Esbjerg í Danmörku, er samkvæmt heimildum Fótbolta.net á leið til norska félagsins Åsane og mun spila með liðinu út tímabilið.
Breki er miðjumaður fæddur 2006. Hann er uppalinn Framari en var keyptur til Esbjerg sumarið 2024. Hann hefur verið í takmörkuðu hlutverki hjá danska liðinu sem er í næstefstu deild Danmerkur. Tímabilið í Danmörku er að hefjast en tímabilið í Noregi er u.þ.b. hálfnað.
Breki er miðjumaður fæddur 2006. Hann er uppalinn Framari en var keyptur til Esbjerg sumarið 2024. Hann hefur verið í takmörkuðu hlutverki hjá danska liðinu sem er í næstefstu deild Danmerkur. Tímabilið í Danmörku er að hefjast en tímabilið í Noregi er u.þ.b. hálfnað.
Åsane er sem stendur í næstneðsta sæti norsku B-deildarinnar þegar 16 umferðir eru eftir. Næsti leikur liðsins verður gegn Egersund, þar sem Haraldur Árni Hróðmarsson er aðstoðarþjálfari, næsta sunnudag.
Breki á að baki 23 leiki fyrir yngri landslið Íslands og þar af eru 14 af þeim fyrir U19. Hann var í vetur orðaður við heimkomu, var m.a. orðaður við Fram, FH og Val, en ekkert varð úr því að hann kæmi í Bestu deildina. Hann er samkvæmt Transfermarkt samningsbundinn Esbjerg til 2028.
Breki á að baki 23 leiki fyrir yngri landslið Íslands og þar af eru 14 af þeim fyrir U19. Hann var í vetur orðaður við heimkomu, var m.a. orðaður við Fram, FH og Val, en ekkert varð úr því að hann kæmi í Bestu deildina. Hann er samkvæmt Transfermarkt samningsbundinn Esbjerg til 2028.
