20.08.04 - 11:18
Hafliði Breiðfjörð
Woodgate til Real Madrid (Staðfest)
Jonathan Woodgate miðvörður enska landsliðsins gekk í morgun í raðir Real Madrid á Spáni frá Newcastle eftir að hafa undirgengist læknisskoðun. Kaupverðið er 13,4 milljónir punda en Sir Bobby Robson stjóri Newcastle sagði í gær að tilboðið væri of gott til að hafna því.
Margir höfðu haft efasemdir um að Woodgate kæmist í gegnum læknisskoðunina en hann hefur verið mikið meiddur hjá Newcastle nú síðast vegna meiðsla á læri.
Þrátt fyrir það samþykkti Real niðurstöður læknisskoðunarinnar og Woodgate skrifaði undir samning sem gefur honum 80 þúsund pund í vikulaun.
Woodgate er þriðji Englendingurinn hjá Real en fyrir voru David Beckham og Michael Owen.
Þrátt fyrir það samþykkti Real niðurstöður læknisskoðunarinnar og Woodgate skrifaði undir samning sem gefur honum 80 þúsund pund í vikulaun.
Woodgate er þriðji Englendingurinn hjá Real en fyrir voru David Beckham og Michael Owen.
