Mótmæla brottrekstri De Rossi - Ætla að mæta seint á völlinn
Mynd: EPA
Mynd: EPA
Hörðustu stuðningsmenn Roma, 'Roma Ultras', eru allt annað en sáttir með að Daniele De Rossi, fyrrum stjóri liðsins, hafi verið rekinn á dögunum.
De Rossi tók við af Jose Mourinho á síðustu leiktíð en var rekinn eftir að hafa safnað þremur stigum í fyrstu fjórum leikjunum á þessu tímabili.
Roma Ultras hafa gefið út yfirlýsingu þar sem segir að þeir ætli ekki að mæta í stúkuna fyrr en hálftími er liðinn af leiknum.
Roma fær Udinese í heimsókn á sunnudaginn en Roma Ultras hafa kvatt alla stuðningsmenn liðsins til að taka þátt í mótmælunum.
