Malen, Maguire, Rashford, Greenwood, Yoro, Eriksen og fleiri góðir í slúðri dagsins
banner
   þri 21. september 2021 09:30
Sæbjörn Þór Þórbergsson Steinke
Heimild: 433 
Davíð Smári áfrýjar banninu
Lengjudeildin
Mynd: Fótbolti.net - Hafliði Breiðfjörð
Davíð Smári Lamude, þjálfari Kórdrengja, var í síðustu viku dæmdur í fimm leikja bann fyrir framkomu í garð dómara í leik Kórdrengja gegn Fram. Davíð fær í raun 3+2 leiki í bann, tvo leiki fyrir sitt annað rauða spjald í sumar og þrjá leiki ofan á það fyrir hegðun sína.

Þessari niðurstöðu hefur Davíð Smári nú áfrýjað og ætlast til að refsingin verði vægari.

Sjá einnig:
Davíð Smári fékk rautt - rauk seinna inná völl og tók spjöldin (Myndir)

Davíð verður í banni í lokaleik Kórdrengja á tímabilinu en liðið mætir Vestra í lokaleiknum. Þá mun hann missa af fyrstu leikjum Kórdrengja á nýrri leiktíð.

Greint var frá þessu í hlaðvarpsþættinum Mike Show í gærkvöldi.

„Ég er ánægður með þetta, þeir eru grjótharðir og hafa áfrýjað málinu inn í KSÍ. Hann tekur alltaf út leik á föstudaginn á móti Vestra og svo hafa þeir allan veturinn til að hamast í KSÍ," sagði Mikael Nikulásson í þættinum.

433.is fjallar um málið og þar kemur fram að lögmaðurinn Stefán Karl Kristjánsson fer með mál Davíðs. Í grein 433.is má lesa bréf lögmannsins til KSÍ. Þar er krafist að bannið verði stytt. Bent er á leikbönn Kassim Doumbia (3 leikir í bann eftir hegðun sína gegn Breiðabliki 2014) og Elfars Freys Helgasonar (3 leikir í bann árið 2019).

Hér má nálgast grein 433.is um málið.
Athugasemdir
banner
banner
banner