Zinchenko átti sendingu fyrir markið og fór boltinn af Martin Ödegaard og í áttina að Nketiah sem spyrnti boltanum með hælnum og í netið.

Úkraínumaðurinn hljóp í átt að stúkunni og faðmaði stuðningsmenn í kjölfarið.

„Ég elska að vinna. Þessi sigurtilfinning á síðustu mínútu leiksins og síðustu sekúndunni er eitthvað sem ekki er hægt að koma í orð,“ sagði Zinchenko.

„Þetta var ótrúlegur dagur. Ég þarf að horfa á þetta aftur áður en ég fer að sofa því þetta eru töfra augnablikin.“

Arsenal þurfti að bíða eftir niðurstöðu frá VAR eftir sigurmarkið og var mikill léttir fyrir heimamenn þegar það var gefið.

„Nokkrir af strákunum sögðu mér að þetta væri tæpt en þetta er ekki svona augljóst á vellinum. Ég vildi bara njóta augnabliksins. Eftir að dómarinn fór að skoða VAR þá var ekki andardráttur á vellinum í tíu sekúndur, en viðbrögðin voru geggjuð eftir að markið var gefið,“ sagði Úkraínumaðurinn í lokin.