Hver tekur við af Klopp? - Dani Olmo orðaður við Man Utd - Greenwood í skiptum fyrir Gleison Bremer
   mán 23. maí 2022 20:45
Ívan Guðjón Baldursson
Mendy lýsir yfir sakleysi - Réttarhöld hefjast í júlí
Mynd: Getty Images
Mynd: Getty Images

Benjamin Mendy, vinstri bakvörður Manchester City og franska landsliðsins, hefur ekki spilað fótboltaleik síðan í ágúst og ekki miklar líkur á að hann muni nokkurn tímann spila aftur sem atvinnumaður.


Mendy var kærður fyrir nauðganir síðasta haust og sat í gæsluvarðhaldi í sex mánuði áður en honum var sleppt gegn tryggingu í janúar.

Réttarhöldin yfir honum hefjast 25. júlí en alls er Mendy ákærður fyrir níu brot gegn sex konum, þar af eru sjö nauðgunarbrot.

Öll brotin eru sögð hafa átt sér stað á heimili Mendy milli október 2018 og ágúst 2021 

Mendy er 27 ára gamall og lýsti yfir sakleysi sínu þegar hann mætti fyrir dómara í dag. Hann ætlar að berjast gegn þessum ákærum ásamt lögfræðiteymi sínu.

Félagi hans Louis Saha Matturie, 40 ára gamall og óskyldur fyrrum fótboltakappanum Louis Saha, var kærður í tólf liðum og lýsti einnig yfir sakleysi.

Báðir mennirnir eru frjálsir ferða sinna eftir að hafa borgað tryggingargjald.

Mendy hefur spilað 75 leiki fyrir Manchester City og 10 fyrir franska landsliðið.


Athugasemdir
banner
banner
banner
banner