Sigur Manchester United á Liverpool í dag var langþráður fyrir lærisveina Ole Gunnar Solskjær.
Þetta er fyrsti sigur United gegn erkifjendum sínum í tæp þrjú ár, eða síðan í mars 2018.
Í þeim leik, sem var einnig á Old Trafford, fór Marcus Rashford á kostum gegn Trent Alexander-Arnold. Rashford skoraði bæði mörk Man Utd í 2-1 sigri.
Síðan þá hafa liðin mæst fimm sinnum. Liverpool hefur unnið tvisvar og hinir þrír leikirnir endað með jafntefli. Allir fimm leikirnir hafa verið í ensku úrvalsdeildinni.
Þess má geta að þetta er í tíunda sinn þar sem Man Utd slær Liverpool úr leik í FA-bikarnum. Aðeins eitt lið hefur slegið annað sérstakt lið oftar úr leik í bikarnum; Liverpool hefur slegið nágranna sína í Everton tólf sinnum úr leik.
10 - Manchester United have eliminated Liverpool from the FA Cup proper for the 10th time; in the competition's history, only Liverpool themselves (12 v Everton) have knocked a particular side out more times (including finals). Bragging. pic.twitter.com/Uh1ByptM1J
— OptaJoe (@OptaJoe) January 24, 2021
Athugasemdir