FH víxlar á heimaleikjum við Frankfurt

FH hefur víxlað á heimaleikjum sínum og þýska liðsins Eintracht Frankfurt en liðin mætast í 32-liða úrslitum Evrópubikarsins seinna í þessum mánuði.

Drátturinn fór þannig að FH átti að spila seinni leikinn á heimavelli en FH fékk að víxla á heimaleikjum. Engin flóðljós eru á Kaplakrikavelli og því hefði þurft að byrja heimaleik FH klukkan 14:30 þar sem gera þarf ráð fyrir framlengingu í seinni leikjum einvíganna. Birtuskilyrði á Íslandi undir lok september bjóða ekki upp á að leikir hefjist seinna um daginn, nema flóðlýsing sé á völlunum.

Til þess að FH geti spilað á sínum heimavelli og sem flestir gætu séð leik liðsins gegn þýska liðinu var ákveðið að víxla heimaleikjum.