Það er landsleikjahlé í fullum gangi en ekki allar þjóðir sem eiga keppnisleiki. Því fóru nokkrir æfingalandsleikir fram í dag.
Ástralía hafði betur gegn Ekvador með þremur mörkum gegn einu, en þetta er aðeins í annað sinn í sögunni sem þessar þjóðir keppa fótboltaleik sín á milli.
Japan gerði þá 1-1 jafntefli við Úrúgvæ þar sem gestirnir frá Suður-Ameríku tóku forystuna í fyrri hálfleik þökk sé marki Federico Valverde.
Son Heung-min skoraði bæði mörk Suður-Kóreu í fyrri hálfleik í 2-2 jafntefli gegn Kólumbíu en James Rodriguez og Jorge Carrascal svöruðu fyrir gestina í upphafi síðari hálfleiks.
Venesúela lagði þá Sádí-Arabíu að velli á meðan Kúveit og Úsbekístan unnu leiki sína gegn Filippseyjum og Bólivíu.
Ástralía 3 - 1 Ekvador
Japan 1 - 1 Úrúgvæ
Suður-Kórea 2 - 2 Kólumbía
Venesúela 2 - 1 Sádí-Arabía
Kúveit 2 - 0 Filippseyjar
Úsbekístan 1 - 0 Bólivía
