Áhugaleysi er eitt af þeim orðum sem notað var um leikmenn Manchester United í 4-0 tapinu gegn Everton. United mætir grönnum sínum í Manchester City í kvöld.

„Það gæti verið furðulegt andrúmsloft á Old Trafford í kvöld því sumir stuðningsmenn Manchester United vila ekki sjá sitt lið vinna í kvöld og koma Liverpool í bílstjórasætið í baráttunni um enska úrvalsdeildartitilinn," segir Alan Shearer, sérfræðingur BBC.

„Það er samt ekki möguleiki á að þetta muni hafa áhrif á leikmenn United sem þurfa að sanna sig eftir vandræðalega frammistöðu gegn Everton á sunnudag."

„Góðu fréttirnar fyrir Liverpool er að United mun verða líklegra vegna stöðunnar sem liðið er í. Þá tel ég að þeir geti ekki orðið eins slæmir og þeir voru um síðustu helgi."

„City er að elta enska úrvalsdeildartitilinn. United er eftir því að enda í topp fjórum. Ef Tottenham, Arsenal og Chelsea hefðu verið að standa sig algjörlega væri United úr leik," segir Shearer.

„Leikmenn United verða að sýna viðbrögð og sanna að þeim sé ekki sama. Eins og Ole Gunnar Solskjær sagði þá er þetta fullkominn leikur til að sýna það."

Tweet

Senda a Facebook Hafdu samband Senda frétt Prenta frétt Frétta leit