Gylfi tekinn við Víkingi (Staðfest)

Einar Guðnason lét af störfum á dögunum eftir að liðið féll úr Bestu deildinni og niður í Lengjudeildina.

Víkingar voru ekki lengi að finna arftaka hans og hafa nú ráðið Gylfa til næstu tveggja ára.

Gylfi tók við Grindavík/Njarðvík fyrir tveimur árum og kom liðinu upp í Bestu deildina á sínu fyrsta tímabili. Hann náði síðan frábærum árangri með liðið í sumar, en nýliðarnir höfnuðu í fimmta sæti deildarinnar og komust auk þess alla leið í úrslit Mjólkurbikarsins.

„Framundan er spennandi verkefni hjá meistaraflokki kvenna í Víkingi. Félagið hefur skýran metnað til að byggja upp öflugt og samkeppnishæft lið og endurheimta sæti sitt í efstu deild.“

„Ráðning Gylfa markar mikilvægt skref í þeirri vegferð og ríkir mikil ánægja innan knattspyrnudeildarinnar með að hafa tryggt krafta hans til næstu tveggja ára,“ segir í tilkynningu á heimasíðu félagsins.