Pepsi Max-kvenna: Endurkomusigur í Eyjum

ÍBV vann Tindastól 2-1 í 12. umferð Pepsi Max-deildar kvenna á Hásteinsvelli í dag. Eyjakonur lentu undir gegn nýliðunum en komu til baka og uppskáru sigur.

Aldís María Jóhannsdóttir kom Stólunum yfir á 22. mínútu en Eyjakonur jöfnuðu aðeins átta mínútum síðar.

Olga Sevcova skoraði sigurmark ÍBV á 58. mínútu og annað mark hennar í deildinni á þessu tímabili.

ÍBV er í 5. sæti með 16 stig en Tindastóll í 8. sæti með 11 stig.