Keflavík og Víðir áttust við í æfingaleik á meðan Íslandsmótið í fótbolta er í pásu vegna Covid-19 takmarkana.

Keflavík, sem stefnir upp í Pepsi Max-deildina, skoraði þá fimm mörk í grannaslag gegn Víði, sem er í fallbaráttu 2. deildar. Staðan var markalaus í leikhlé en flóðgáttirnar opnuðust í síðari hálfleik.

Dagur Ingi Valsson kom heimamönnum yfir í upphafi síðari hálfleiks og tuttugu mínútum síðar tvöfaldaði Sindri Þór Guðmundsson forystuna.

Tristan Freyr Ingólfsson, Gunnólfur Björgvin Guðlaugsson og Jóhann Þór Arnarson bættu við mörkum á lokakaflanum.

Leikurinn var tekinn upp og er aðgengilegur á YouTube rás Keflavíkur.