Haukar heimsóttu Víking R. í Lengjudeild kvenna í kvöld. Víkingur vann leikinn 2-0 og taldi Hildur Karítas Gunnarsdóttir, fyrirliði Hauka, ýmislegt vanta upp á hjá sínu liði í kvöld.
„Að fara eftir því sem við höfum verið að æfa á æfingum og gera í vikunni. Baráttu, við vorum bara hræddar og virtist vera eins og við vildum ekki vera með í leiknum," sagði Hildur.
„Að fara eftir því sem við höfum verið að æfa á æfingum og gera í vikunni. Baráttu, við vorum bara hræddar og virtist vera eins og við vildum ekki vera með í leiknum," sagði Hildur.
Lestu um leikinn: Víkingur R. 2 - 0 Haukar
Víkingskonur skoruðu mark undir lok fyrri hálfleiksins og bættu við öðru markinu eftir 7 mínútur í seinni hálfleik. Hildur var ekki sátt með að fá á sig mark í föstu leikatriði.
„Við náttúrulega fáum á okkur mark úr föstu leikatriði, það er eitthvað sem við erum búnar að leggja upp úr að fá ekki á okkur, við erum búnar að eiga í erfiðleikum með það í sumar, við hefðum átt að gera betur."
Haukar taka á móti Aftureldingu í næsta leik, en Afturelding er í harðri baráttu um sæti í Pepsi Max deildinni.
„Við þurfum bara að mæta og vilja vera með og taka þátt í leiknum. Afturelding eru búnar að vera á góðri siglingu þannig við þurfum bara að mæta með hausinn upp og taka þátt," sagði Hildur Karítas.
Athugasemdir