Laporta: Alvarez er óhamingjusamur

Alvarez er lykilmaður í sterku liði Atlético en vill skipta yfir til Barcelona, sem er félag drauma hans. Börsungar lögðu fram 130 milljón evru tilboð í Alvarez sem Atlético hafnaði og lét leikmaðurinn ummæli falla um að vilja skipta um félag.

Í kjölfarið létu Laporta og Gil ýmis ummæli falla í fjölmiðlum, þar sem Gil sakar forseta Barca um að hafa freistað Alvarez án þess að vera búið að ná samkomulagi um kaupverð við Atlético.

„Stórt félag getur ekki leyft sér að vera með óhamingjusama leikmenn í hópnum. Þetta er eitthvað sem við myndum aldrei líða í Barcelona," segir Laporta.

„Við lögðum fram mjög gott tilboð í Julián Alvarez sem rennur út um næstu mánaðamót. Það er aldrei að vita hvað gerist í framtíðinni, en þetta væri ekki í fyrsta sinn sem leikmaður kemur hingað þrátt fyrir ummæli í fjölmiðlum um annað. Ég vil ekki nefna dæmi."

Laporta virðist trúa því að það séu góðir möguleikar á að fá Alvarez til liðs við sig þrátt fyrir skýra höfnun frá Atlético.

TENGT EFNI19.07.26 - 08:30

Framkvæmdastjórinn ósáttur með Joan Laporta