Venni: Við erum með þá í lás

„Sem þjálfari er ég aðallega að horfa á þetta til lengri tíma. Þá fannst mér þetta frábært merki eftir ekki eins góða frammistöðu í síðasta leik. Þó að, ef við spáum í úrslitunum, þá er ég mjög svekktur að fá bara eitt stig. Því mér fannst við vera dóminerandi. Kannski ekki dóminerandi í fyrri hálfleik, en engar áhyggjur. Þeir skora bara eftir tvö upphlaup svo búið. Við erum bara með þá í lás, allan seinni hálfleik," sagði Sigurvin.

Bæði mörk HK komu úr föstum leikatriðum þar sem varnarleikur Þróttara hefði getað verið betri.

„Það er alltaf talað um það í þessum fræðum að gera betur í föstum leikatriðum. Á endanum er þetta bara að vera vakandi, og dekka mennina sína. Svo getur það gerst að boltinn hoppar hingað og þangað, eins og bara fyrra markið. Þá dettur hann inn í teig og hann skýtur bara á markið. Seinna markið þá ver Laddi (Þórhallur Ísak) tvisvar og þeir ná bara frákastinu. Við erum í því tilviki aðeins sofandi, en ég lýt ekki á þetta sem neitt vandamál," sagði Sigurvin.

Kári Kristjánsson og Njörður Þórhallsson voru ekki í hóp í dag, en það ætti ekki að vera langt í þá.

„Njörður er smávægilega meiddur, og Kári er að glíma við smá veikindi sem hann er að klára vonandi fljótlega. Þessvegna voru þeir ekki í hóp, en þá komu í staðinn Baldur og Hlynur sem var meiddur, þannig við veiktumst ekkert. Ég held það sé eitthvað í Kára en ég held að Njörður verður kominn á lappir fljótlega," sagði Sigurvin.

Viðtalið má sjá í heild sinni í spilaranum hér fyrir ofan.