Varamennirnir græjuðu þrjú stig og toppsætið fyrir PSG

Senny Mayulu og Mika Godts komu inn af bekknum og skoruðu mörkin í lokin þegar Paris Saint-Germain komst upp í toppsæti frönsku deildarinnar með 2-0 sigri á Lyon í gær.

Lyon náði að halda Evrópumeisturnum í skefjum en sjö mínútum eftir að hinn tvítugi Mayulu kom inn af bekknum náði hann að brjóta ísinn á 72. mínútu.

Godts bætti öðru marki við á 84. mínútu eftir snögga skyndisókn. PSG vann því fimmta deildarsigurinn í röð og er á toppnum, stigi á undan Rennes.

Leikurinn á Prinsavöllum átti upphaflega að fara fram á sunnudaginn en lögreglan fyrirskipaði að fresta honum um sólarhring þar sem mótmæli og óeirðir voru í frönsku höfuðborginni um helgina.