Barca vill Dani Olmo - Crystal Palace að bjóða í Smith Rowe - Sergi Roberto vill enska boltann - Newcastle spyrst fyrir um Madueke
   fim 28. maí 2015 22:01
Magnús Már Einarsson
Fanndís: Eins grátlegt og það gerist
Mynd: Fótbolti.net - Hafliði Breiðfjörð
„Þetta er eins grátlegt og það gerist," sagði Fanndís Friðriksdóttir við Fótbolta.net eftir 1-1 jafntefli Breiðabliks og KR í Pepsi-deild kvenna í kvöld.

Fanndís jafnaði fyrir Breiðablik á 87. mínútu með fínu langskoti en hún var ósátt með spilamennsku Blika í leiknum.

„Við mættum ekki til leiks. Það var alltof mikið af sendingarfeilum í fyrri hálfleik og seinni hálfleikur byrjaði einhverneginn aldrei."

KR komst yfir úr vítaspyrnu eftir að Fjolla Shala braut á Sigríði Maríu Sigurðardóttur. Blikar voru ósáttir við þann dóm.

„Mér fannst þetta vera fyrir utan teig og línuvörðurinn sagði að þetta hefði verið fyrir utan," sagði Fanndís en Birkir Sigurðarson dómari benti á punktinn. „Hann er ekki bara einn í liði, þeir eru þrír," sagði Fanndís um ákvörðun dómarans.

Fanndís haltaði af velli undir lok leiks en hún segist ekki búast við öðru en að vera klár í slaginn á mánudag þegar Breiðablik heimsækir Fylki.
Athugasemdir
banner
banner
banner