Owono gefur ekki kost á sér í landsliðið eftir andlát De Miguel

De Miguel, sem var 30 ára, lést eftir að hafa farið í hjartastopp eftir að hafa lent í árekstri við Owono í leik í spænsku annarri deildinni. Markvörðurinn fór með hnéð á undan sér og fór af miklum krafti í brjóstið á De Miguel. Hann lá sárkvalinn á vellinum áður en hann fór í hjartastopp.

Owono sagði að hann væri að upplifa „erfiðustu daga lífs síns“ í yfirlýsingu sem félagslið hans, FC Andorra, sendi frá sér í gær.

Fótboltasamband Miðbaugs-Gíneu gaf út að þessi 25 ára gamli markvörður hefði óskað eftir að vera ekki valinn í landsliðshópinn.