Sambandsdeildin í dag - Fjöldi Íslendinga í eldlínunni

Þriðja umferðin í Sambandsdeildinni fer fram í dag. AGF mætir Braga en Daníel Leó Grétarsson, Mikael Neville Anderson og Tómas Óli Kristjánsson eru á mála hjá félaginu. AGF er með eitt stig.

FCK mætir Iberia frá Georgíu. Viktor Bjarki Daðason, Rúnar Alex Rúnarsson og Gunnar Orri Olsen eru á mála hjá FCK sem er með fjögur stig.

Brann mætir St. Truiden en Brann er með fullt hús stiga. Eggert Aron Guðmundsson, Kristall Máni Ingason, Sævar Atli Magnússon og Kjartan Már Kjartansson eru á mála hjá Brann.

Kristian Nökkvi Hlynsson og félagar í Twente mæta Pafos. Twente er með sex stig. Midtjylland fær Ajax í heimsókn en Elías Rafn Ólafsson er á meiðslalistanum hjá Midtjylland sem er með eitt stig.

Hearts heimsækir Thun en Tómas Bent Magnússon er á meiðslalistanum hjá Hearts eftir að hafa fengið höfuðhögg um síðustu helgi. Panathinaikos mætiri CSKA Sofia en Sverrir Ingi Ingason er á meiðslalistanum hjá Panathinaikos. Gríska liðið er með fullt hús stiga á toppnum.

Þá fer Brighton í heimsókn til Getafe. Brighton er með fjögur stig og Getafe eitt.